(හමුදා ජෙනරල් ට සහාය දීමට JVP එකඟ වෙයි - පුවතක්)
අප්‍රේල් විරුවනි නැගිටිනු
ඉල්මහේ විරුවනි නැගිටිනු
හිස්වලට ගසා ලූ
පරාල ඇණත් ගලවනු
ටයර් සෑයේ අඟුරු ඇටකටු
පෝස්ටර් ලියන්නට අරගනු
පා ඇඟිලි වලින් එල්ලා
එස්ලොන් බටයෙන් ගැසූ සලකුණු
ආදරෙන් අමතක කරලමු
ගුද මාර්ගේ කම්බි කටු
දෑතින්ම සීරුවෙන් ගලවමු
පක්ෂයේ වැටුනු රතු ධජය
ජෙනරාල් ඔසවනු ඇති
සැමදෙන එකම තැන රැඳෙන
සමබිම
නුඹ දිවි පුදා ලූ සිහිනය
ජෙනරාල් අපට දෙනු ඇති
හෙට අරුණෝදයේ
ජෙනරාල් වෙනුවෙන්
කඩේ යන්නට
පක්ෂයට
සහෝදරවරුන්ගේ ශක්තිය
කවදාටත් වැඩිය අද
උවමනා කර තිබෙන මොහොතේ
අතීතය අමතක කර
දැන් ඉතින්….
මරණයෙන් නැගිටිනු
(ඉමහත් ශෝකයෙනි )
2009 ඉල්.
No comments:
Post a Comment